Siç kemi raportuar më herët, tekniku 39 vjeçar i Sporting Lisbon Rzben Amorim, ka nënshkruar me Manchester United, pasi ky i fundit ka bërë pagesën e plotë të klauzolës 10 milionë euro.
Amorim është një trajner i ri, me shumë perspektivë që ka treguar nivel të lartë me Sportingun, dhe ka qenë i vetmi kandidat serioz që ka pranuar stolin e Manchester United, pasi të tjerë kandidat ishin thjeshtë sa për numër. Problemet e Manchester United janë shumë të mëdha, prandaj mbetet të shihet nëse Amorim do të jetë zgjidhja optimale.
Amorim ka qenë trajner i Braga për një vit dhe që nga 2020 ishte trajner i Sportingut të Lisbonës, ku ka fituar dy tituj të ligës në 2021 dhe 2024, ai sonte është përshëndetur me tifozët në ndeshjen të cilën e ka fituar ndaj Amadora 5-1, me një bilanc 10 fitore në 10 ndeshje dhe një goldallim 35 me 3, në vendin e parë në ligën portugeze, ndërkaq do të debutoj me Manchester United ndaj Ispwich me 11 Nëntor./tvarbëria/