Sot fillon gjykimi i avokatit që e kërcënoi me jetë, Kajtazi: Nuk do të ndalem, kam kohë

Gjykimi ndaj Dobrunës, i arrestuar tri javë më parë, do të nisë sot në orën 10:00.

Para nisjes së procesit gjyqësor, gazetari Vehbi Kajtazi ka thënë se pret që avokati të marr dënimin e merituar.

“Sot ne ora 10:00 do te filloje gjykimi i avokatit, Driton Dobruna i cili jave me pare me kercenoi me vrasje. Pres qe drejtesia te vihet ne vend dhe ky person ta marre denimin e merituar”, tha Kajtazi.

Ai tha se nuk do të ndalet derisa drejtësia të vihet në vend, për këtë dhe për rastet e tjera.

“Nuk do te ndalem derisa te gjithe ata qe shkelin ligjin te vihen para drejtesise. Nuk do te ndalem derisa te gjithe ata qe me ndoqen, me vune pergjues, me penguan ne pune te vihen para drejtesise”, tha Kajtazi.

“Israelitet e kane nje thenie jetesore: Ne kemi kohe. Edhe une kam kohe…”, përfundoi ai.