Trajneri i kombëtares së Italisë, Luciano Spalletti, pret një ndeshje të vështirë kundër Izraelit të hënën në Udine. Trajneri i Azurrëve theksoi se kundërshtari nuk duhet nënvlerësuar nëse skuadra e tij dëshiron të marrë tre pikët e plota.
“Unë ende nuk e di se me çfarë formacioni do të shkojmë. Ne kemi një lojë delikate përpara nesh me shumë rreziqe të fshehura. Niccolo Zaniolo është i fundit që na bashkohet, kështu që ai nuk ka gjasa të fillojë, e cila do të thotë se kam gabuar që e kam lënë jashtë grupit fillimisht prej 23 personash”, tha Spalletti.
“Unë mund të konfirmoj vetëm se Guillermo Vicario do të startojë në portë. Niccolo Fagioli meriton më shumë minuta dhe po punon shumë, por nuk dua të jap më shumë për formacionin tani. E kam provuar në rolin para mbrojtjes, sepse unë mendoj se ai i përshtatet atij, ai di të ndryshojë ritmin dhe mënyrën e lojës, të shkëputet nga roja e tij në mes të fushës dhe si një trampolinë të kërcejë nga një pozicion në tjetrin”, tha gjithashtu Spalletti.
“Izraeli është një ekip i mirë që di të luajë futboll të mirë. Kështu që ne duhet të mbajmë ekuilibrin në lojën tonë siç ishte në ndeshjen e parë. Ekipi punon shumë, djersin fort dhe ndihmon njëri-tjetrin. Çfarë mësuam nga ndeshja e fundit është se një incident mund të ndryshojë gjithçka, kështu që ne duhet të mësojmë nga gabimet tona herë u përpoqën të shtypnin, më e rëndësishmja është që pasimet tona të jenë të sakta, pa i dhënë shumë sugjerime mbrojtjes së tyre”, shtoi tekniku italian.