Një këmbësor është goditur për vdekje nga një veturë në fshatin Jashanicë të Klinës.
Rasti ka ndodhur sot rreth orës 19:05.
Kështu ka bërë të ditur për TV Arbëria zëdhënësi i policisë për rajonin e Pejës, Fadil Gashi.
“Vdekjen e viktimës e ka konstatuar ekipi mjekësor në vendin e ngjarjes. Hetuesit e trafikut dhe njësitet tjera relevante po e bëjnë vendshiqimin dhe janë duke i kryer hetimet për të parë se si ka ardhur deri tek ky aksident”, thuhet në njoftimin nga policia.
Tutje Gashi njofton se, me urdhër të Prokurorit të Shtetit trupi i pa jetë është dërguar në Institutin e Mjekësisë Ligjore.