Një italian nga Modena la të gjithë vendin i tronditur kur pranoi gjatë një transmetimi të drejtpërdrejtë televiziv se kishte vrarë nënën e tij.
Lorenzo Carbone (50) papritmas filloi të qajë para kamerave dhe më në fund pranoi se një ditë më parë kishte vrarë nënën e tij 80-vjeçare, e cila vuante nga demenca.
I mërzitur dukshëm, Carbone iu përgjigj pyetjeve të gazetarit Fabio Giuffrida gjatë një interviste të transmetuar pasditen e djeshme në emisionin Pomeriggio5 në Mediaset. Ai tha se nëna e tij vuante nga demenca dhe ai “nuk mund të duronte më”.
“E mbyta, nuk e di pse e bëra. Ajo më inatos disa herë sepse përsëriste vazhdimisht”.