Dy raste të dhunës në familje janë raportuar gjatë 24 orëshit të fundit në Policinë e Kosovës.
Njëri rast është në Prishtinë, ndërsa tjetri në Gjakovë.
Lidhur me to, dy persona të dyshuar janë dërguar në mbajtje.
DHUNË NË FAMILJE
Prishtinë 23.09.2024 – 08:50. Është arrestuar i dyshuari kosovar, nën dyshimin se ka ushtruar dhunë psikike ndaj nënës së tij. Viktima nuk ka pasur nevojë për ndihmë mjekësore, ndërsa ka deklaruar se ndjehet e rrezikuar nga i dyshuari. Me vendim të prokurorit, i dyshuari është dërguar në mbajtje.
Gjakovë 23.09.2024 – 18:50. Është arrestuar i dyshuari mashkull kosovar, pasi që kishte sulmuar fizikisht bashkëshorten e tij viktimën femër kosovare. Viktima ka pranuar tretman mjekësor. Me vendim të prokurorit i dyshuari është dërguar në mbajtje.
