Në skenën muzikore, ku yjet lindin dhe shuhen, Dua Lipa ka shkëlqyer si një diell i ndritshëm.
Mes emrave të njohur si Taylor Swift, Celine Dion dhe Adele, ajo ka arritur të krijojë një vend të veçantë për vete, duke realizuar turne, për të cilët shitja e biletave është realizuar në kohë rekord.
Disa vite më parë, ajo ishte një vajzë e zakonshme në Angli, duke ëndërruar për një jetë të mbushur me muzikë.
Sot, ajo e jeton atë ëndërr me një pasuri neto prej 25 milionë dollarësh, një shifër që flet për punën e palodhur dhe pasionin e saj për artin.
Kështu këngëtarja me origjinë shqiptare është renditur mes këngëtareve më të pasura të skenës botërore të renditura nga Net Worth.
Përpos hiteve që pushtojnë top listat ajo ka shkruar këngë për filma të njohur, si “Fifty Shades Freed”.
Jo vetëm si këngëtare, por edhe si aktore, Dua ka arritur të lë gjurmë në botën e kinemasë.
E njohur për stilin e saj unik, ajo ka nënshkruar marrëveshje të shtrenjta me marka të njohura, si Puma dhe Versace, duke e bërë atë një simbol të modës dhe influencuese.
Në vetëm 28 vite, Dua është bërë një frymëzim për shumë, duke treguar se me pasion dhe përkushtim, çdo ëndërr mund të realizohet.
Me gjithë këtë në mendje, mund të mos jetë befasi se kjo 28-vjeçare ka një pasuri prej 25 milionë dollarësh.
