Zëvendës-presidentja e ShBA-së, Kamala Harris, ka shprehur gatishmërinë e saj për të përdorur armën në rast se dikush hyn në shtëpinë e saj.
Gjatë një interviste me Oprah Winfrey në Michigan, ajo tha: “Nëse dikush thyen derën time, do të qëllohet”. Megjithëse e tha me shaka, Harris theksoi mbështetjen për një ndalim të armëve të sulmit, duke i quajtur ato “mjete lufte” pa vend në shoqërinë civile.
Kritikët e saj e kanë vënë në dukje këtë qasje si një shenjë e ndryshimeve në politikat e saj përpara zgjedhjeve të nëntorit.
Harris theksoi se dëshiron ligje më të rrepta për armët dhe shprehu shqetësimin për incidentet e dhunshme në shkolla.
Gjatë intervistës, kandidatja për presidente të ShBA-së theksoi se do të vazhdojë të mbështesë një ndalim të armëve të sulmit dhe kontrollin universal të prapavijave për blerjen e tyre.
