Ish i Dërguari i Posaçëm i Shteteve të Bashkuara të Amerikës për dialogun Kosovë – Serbi, Richard Grenell, ka reaguar me rastin e shënimit të 4-vjetorit të nënshkrimit të Marrëveshjes së Washingtonit.
Në një postim në platformën X, Grenell ka thënë se administrata e udhëhequr nga Joe Biden dhe Kamala Harris nuk ka arritur që ta zbatojë këtë marrëveshje.
“Sot katër vite më parë i kemi bashkuar liderët e Kosovës dhe Serbisë në Zyrën Ovale me Presidentin Donald trump dhe ata nënshkruan një marrëveshje historike për t’i normalizuar dhe zgjeruar ekonomitë e tyre”, shkroi ai në X.
Pas nënshkrimit të marrëveshjes, në praninë e presidentit të SHBA-së Donald Trump, Kosova kishte përfituar njohjen nga Izraeli.
Firmat e tyre në letër i vendosën asokohe kryeministri Avdullah Hoti, dhe presidenti i Serbisë Aleksandar Vuçiq.
Four years ago today we brought the leaders of Kosovo and Serbia together in the Oval Office with @realDonaldTrump – and they signed an historic agreement to normalize and expand their economies.
The Biden-Harris team failed to implement it. pic.twitter.com/GltkUQ9gOy
— Richard Grenell (@RichardGrenell) September 5, 2024