Një person 36-vjeçar ka humbur jetën pasi është goditur nga një automjet në Velekincë të Gjilanit.
Ismet Hashani, zëdhënës i Policisë Rajonale të Gjilanit, njoftoi se incidenti ndodhi sot rreth orës 15:10, në hyrje të fshatit Velekincë.
“Dyshohet se viktima, shtetas i Kosovës, rreth moshës 36-vjeç, duke trupuar rrugën, është goditur nga një veturë me tabela vendore. Mjeku kujdestar ka njoftuar se përkundër ndihmës së ofruar në Emergjencën rajonale në Gjilan, viktima ka ndërruar jetë si pasojë e plagëve të pësuara në aksident”, ka thënë ai.
Prokurori i Shtetit është njoftuar për rastin dhe ka urdhëruar që drejtuesi i automjetit të mbahet në ndalim për 48 orë.