Në Prevallë ende nuk është shuar zjarri, e kjo për shkak të terrenit të vështirë.
Siç bën me dije komuna e Prizrenit, nga nesër do të nis intervenimi nga ajri.
“Zjarri në Prevallë nuk është arritur të shuhet në tërësi për shkak të terrenit të vështirë. Zjarrfikësit e kanë bërë brezin e sigurisë dhe sipas informacioneve nesër do të intervenohet nga ajri. Sot, prezent ka qenë edhe zëvendësministri i MPB-së dhe zyrtarë të AME-së”, thuhet në njoftimin e komunës.
Ndërkaq, për shuarjen e tij janë vënë në dispozicion edhe Policia e Kosovës si dhe vullnetarë të shumtë.