Kampionati arab çdo ditë po bëhet më i fortë dhe po shtohet cilësia, për faktin se shumë yje po e braktisin Evropën për tu transferuar atje.
Pas shumë emrave të mëdhenj që kanë zbarkuar në Arabinë Saudite, emri i radhës që pritet të transferohet në këtë kampionat është Richarlison.
Sulmuesi brazilian nuk është i paprekshëm te Tottenham Hotspur, pasi londinezët po e transferojnë Jonathan David nga Lille si sulmuesin kryesor të skuadrës duke i treguar derën e daljes Richarlisonit.
Propozimi i skuadrës Al-Ahli mund të jetë mjaft joshëse që Spurs të vendosë të ndahet me brazilianin.
Më parë, klube si Al-Ittihad dhe Al-Qadsiah kishin shfaqur interes, edhe pse këto lidhje janë ftohur kohët e fundit.
Al-Ahli po përgatitë ofertën prej 60 milionë euro për transferimin e brazilianit, ofertë që duket se do ta kënaq Tottenhamin.
Ndërkohë për sulmuesin është bërë gati një kontratë katër vjeçare me pagë prej rreth 20 milionë euro neto në sezon.