Historia e Pallatit Kensington fillon në vitin 1605, kur Sir George Coppin, një alpinist, ndërtoi një shtëpi madhështore në një fshat të Londrës, të njohur si Kensington.
Sipas “The Story of Kensington Palace” vila njihej si Nottingham House dhe ishte një shtëpi verore për qetës dhe relaks. Kjo pasuri gjigante me kalimin e viteve kaloi nëpër disa ‘duar’ aristokratësh të cilët do të shënonin histori.
Dhoma e Vizatimit të Mbretit në Pallatin Kensington, projektuar nga William Kent
Banorët e parë të kësaj vile nisin me Mbretin James II në vitin 1688, i cili shumë pak arriti ta shijonte postin e tij. Një vit Më vonë në vitin 1689 fronin e marrin vajza e tij Mary dhe bashkëshorti i saj William of Orange. Për shkak të këtij të fundit i cili vuante nga astma, çifti zhvendoset në Pallatit Kensington, pasi ofronte hapësira të bollshme me ajër të pastër. Por, Mbretëresha Mary II nuk e shijoi për shumë gjatë. Më 28 dhjetor 1694, ajo vdiq nga lija në pallat. Arkivoli i saj, i veshur me plumb për të mbajtur infeksionin larg vajtuesve, ishte aq i rëndë sa dëmtoi dhe shkallët madhështore të Mbretëreshës. Më 1702 edhe William ndërroi jetë.
Më 1702 në Pallat zgjodhi të jetonte Mbretëresha e re Anne, motra më e vogël e Mbretëreshës Mari. Në vitet e mbretërimit të saj, dy kushërirat e Anne, Dukesha e Malborough Sara dhe Abigail Baronesha Masham kishin konflikte për fronin. Në fund Abigail triumfoi. Në 1714, Mbretëresha Anne vdiq në dhomën e saj në Pallatin Kensington. Bashkë me të shkoi dhe dinastia Stuart dhe Hanoverianët, dinastia më grindavece dhe më e mallkuar në historinë mbretërore britanike.
Mbreti nervoz George I, një Hanoverian stoik që me krenari fliste gjermanishten e tij amtare, mori fronin në vitin 1714. Ai u zhvendos shpejt në Pallatin Kensington. Pjesa më e madhe e kësaj intrige ishte për shkak të faktit se George I, urrente djalin e tij, George II të ardhshëm, dhe grindja e tyre u zhvillua në sallat e Pallatit Kensington. Kur mbreti i vjetër vdiq në 1727, Mbreti i llastuar George II dhe gruaja e tij e shkëlqyer dhe e zgjuar, Mbretëresha Caroline , vazhduan traditën familjare dhe u grindën me djalin e tyre të madh, Frederikun, Princin e Uellsit.
Mbreti “i çmendur” George III i urrente veprimet e paraardhësve të tij Hanoverianë dhe kur u bë mbret në 1760, ai la dramën e Pallatit Kensington për në Pallatin Buckingham, tre milje larg.
Më 1819 Princi Eduard dhe Dukesha Victoria lindën vajzën e tyre po me të njëjtin emër Victoria e cila u bë mbretëreshë më 1837. Ajo u martua me Princin Albert. Edhe pse ajo kaloi një jetë të vështirë nga kufizimet në Pallatin Kensington sërish kishte një dashuri për vendin e fëmijërisë së saj. Banorë të tjerë të Pallatit Kensington gjatë epokës viktoriane ishin Duka dhe Dukesha e Kembrixhit. Më 26 maj 1867, Mary Adelaide, Dukesha e Kembrixhit, lindi një tjetër mbretëreshë të ardhshme të Anglisë në apartamentin e saj në Kensington, Victoria Mary of Teck, e cila një ditë do të mbretëronte si Mbretëresha Mari së bashku me bashkëshortin e saj, Mbretin George V.
Princesha Margaret dhe Lordi Snowdon në Pallatin Kensington menjëherë pas lindjes së vajzës së tyre, 1964
Më pas radhën e kishte Mbretëresha Margaret, e cila jetoi në Pallat deri në vdekjen e saj në 2002.
Princi Charles dhe Princesha Diana me djemtë e tyre William dhe Harry në shtëpi në Pallatin Kensington, 1986
Por banorët më të famshëm të Pallatit Kensington në fund të shekullit të 20-të ishin Charles, atëherë Princi i Uellsit, dhe gruaja e tij e parë, Princesha Diana, të cilët u transferua në apartamentet 8 dhe 9 pas martesës së tyre në vitin 1981. Princi Charles u shpërngul pas ndarjes së tyre në 1992, por Princesha Diana qëndroi dhe për të, Pallati Kensington u bë një strehë, një vend ku ajo bënte banja dielli e zhveshur në çatinë e saj private, i shpëtonte rojeve të saj të sigurisë për të folur me të huajt në park dhe regjistroi intervistat e saj famëkeqe me Andrew Morton, të cilat do të ishin baza për tregimin më të shitur të Diana: Her True Story.
Princi Harry dhe Meghan Markle gjatë një telefonate zyrtare për të shpallur fejesën e tyre në The Sunken Gardens
Një tjetër mbretërore rebele, Meghan, Dukesha e Sussex-it, do të jetonte gjithashtu në oborrin e Pallatit Kensington me burrin e saj, Princin Harry, përpara se të transferohej në Frogmore Cottage në Windsor. Ajo dhe Princi Harry dhanë dorëheqjen si anëtarë të familjes mbretërore në vitin 2020 dhe u transferuan në Kaliforni.
Pallati Kensington është aktualisht një atraksion popullor turistik dhe shtëpia e Dukës dhe Dukeshës së Gloucester-it, Dukës dhe Dukeshës së Kentit dhe Princit dhe Princeshës Michael të Kentit.
Princi William dhe Princi Harry zbulojnë një statujë që i porositën nënës së tyre Diana në Kopshtin e Pallatit në Kensington
Princi William dhe Princesha Catherine jetuan në apartamentin me 20 dhoma 1A, dikur shtëpia e Princeshës Margaret, nga 2014 deri në 2023, përpara se të transferoheshin në Adelaide Cottage në territorin e Kështjellës Windsor.
Megjithatë, Princi dhe Princesha e Uellsit kanë ende zyra në Pallatin Kensington.
Pallati Kensington thuhet gjithashtu se është shtëpia e përjetshme e një numri fantazmash, duke përfshirë një nga banoret e vjetra të shekullit të 19-të, Princesha Sophia, vajza e George III, e cila rrotullohet përgjithmonë në karrigen e saj. Fantazma të tjera supozohet se përfshijnë Mbretëreshën Mary II, një Mbret George II që qan dhe Mbretëreshën Caroline të zemëruar.