Kylian Mbappe do të rikthehet nesër (e mërkurë) në stërvitje me pjesën tjetër të bashkëlojtarëve të tij tek Real Madridi.
Carlo Ancelotti ka thënë se francezi duhet të adaptohet shpejt me jetën e tij tek Real Madridi pas transferimit veror nga Paris Saint-Germaini.
“Ai do të sjell kualitetin e tij, qëndrimin e tij dhe dedikimin. Ai duhet të adaptohet me këtë skuadër, njësoj si të gjithë të tjerët”.
“Ne jemi shumë të lumtur që ai është këtu sepse ka kualitete të mëdha, dhe jam i sigurt duke marr parasysh personalitetin e tij, ai do ta bëjë këtë”.
“Ai do të adaptohet shpejt. Të gjithë tek Real Madridi janë shumë të lumtur që ai është këtu. Tifozët, klubi, lojtarët, trajnerët. Ne jemi të sigurt se ai do të bëjë mirë”, ka thënë Ancelotti.
Mbappe do të fillojë stërvitjet së bashku me bashkëlojtarët e tij për t’u përgatitur sa më mirë për finalen e Superkupës së Evropës ndaj Atalantas.
Para se francezi të rikthehet, Real Madridi do të luajë një tjetër ndeshje miqësore ndaj Chelseat, ndërsa deri më tani nuk kanë fituar asnjë prej tyre.