Presidenti vietnamez To Lam u emërua sot sekretar i përgjithshëm i Partisë Komuniste të Vietnamit, duke zëvendësuar Nguyen Phu Trong, i cili vdiq dy javë më parë.
“Këtë mëngjes, 3 gusht 2024, komiteti qendror i Partisë zgjodhi To Lam si sekretar të përgjithshëm të Partisë Komuniste të Vietnamit,” njoftoi partia në një konferencë për shtyp.
“Është një nder i madh,” tha Lam, 67 vjeç, një ish-ministër, i cili nuk specifikoi nëse do të largohej nga posti i presidentit të vendit.
Lam kishte marrë detyrën e shefit të partisë më 18 korrik, një ditë para vdekjes së Trong, shëndeti i të cilit ishte përkeqësuar.
Përfaqësuesit e partisë mbështetën njëzëri kandidaturën e Lam, thanë zyrtarët në një konferencë shtypi. Duke iu drejtuar delegatëve të partisë, ai u zotua të çojë përpara trashëgiminë e Trong, të mos ndryshojë politikën e jashtme të vendit, të përqendrohet në arritjen e synimeve të zhvillimit socio-ekonomik të vendit dhe të vazhdojë “me forcë” fushatën e Vietnamit kundër korrupsionit.
Megjithëse Vietnami nuk ka zyrtarisht një udhëheqës suprem, shefi i partisë në fakt luan një rol më të rëndësishëm se zyrtarët e tjerë pasi Trong forcoi fuqitë e postit gjatë 13 viteve të tij në detyrë.