Deri më tani, klubi i Real Madridit ka sjellë në radhës e veta dy futbollistë.
Fjala është për Kylian Mbappen dhe Endrick, që të dy nga reparti i sulmit.
Nëpër media spekulohej se madrilenët janë në kërkim të një mbrojtësi.
Por, Ancelotti përjashtoi mundësinë e nënshkrimit të një mbrojtësi të ri.
Ai deklaroi se klubi do të mbështetet në lojtarët që janë tashmë në dispozicion të tyre si Jesus Vallejo dhe talentet e akademisë si Joan Martinez dhe Raul Asencio.
“Skuadra është e mbyllur. Vallejo është kthyer, Alaba po rikuperohet. Ne kemi të rinjtë: Joan [Martinez], Jacobo [Ramon] dhe Raul [Asencio]”, tha Ancelotti.
Më 1 gusht, Real Madridi e luan miqësoren ndaj Milanit nga ora 02:30.