Komiteti Disiplinor i UEFA-s vendosi të ndëshkojë FC Borac nga Banja Luka për sjelljen e tifozëve të tyre gjatë ndeshjes kundër Egnatias shqiptare në turin e parë të kualifikimeve në Champions League.
Përkatësisht, tifozët e Borcit kanë brohoritur “Kosova është Serbi”, çka ka sjellë edhe ndërprerjen e lojës për rreth dhjetë minuta. Për këtë shkak, Borac u gjobit me 15 mijë euro.
Nga ana tjetër, Egnatia ishte gjobitur më parë me 10 mijë euro për shkak se tifozët e saj në ndeshjen e kthimit brohoritën “Vrite çetnikun”, gjë që shkaktoi reagimin e kundërshtarit i cili kërcënoi se do të largohej nga ndeshja.
Paralelisht me këtë lajm, klubi i Banja Lukës ka lëshuar një deklaratë në lidhje me ndeshjen e kthimit të xhiros së dytë të kualifikimeve në Champions League kundër PAOK-ut.
Klubi theksoi se nuk do të lejohen të hyjnë tifozët me simbolet e kampionit shqiptar dhe klubeve mike të tij. Ky ndalim vlen sidomos për tifozët e Partizanit të Beogradit, Grobara, të cilët janë në numër të madh në Banja Lukë.
Gjithashtu, tashmë dihet se tifozët e PAOK-ut nuk do të jenë në këtë lojë për shkak të incidenteve që shkaktuan sezonin e kaluar në Ligën e Konferencës.
Ndeshja e kthimit mes Borcit dhe PAOK do të luhet të mërkurën me fillim nga ora 21:00.
Në takimin e parë në Selanik, skuadra shqiptare fitoi 3:2.