Studimet e fundit kanë zbuluar se gratë dhe vajzat shpesh performojnë më mirë gjatë ditëve të menstruacioneve, duke u treguar më të qarta dhe më të saktë në aktivitetet e tyre.
Në një studim të ri, studiuesit kanë vëzhguar gratë futbolliste për një periudhë të caktuar dhe kanë zbuluar se ato performuan më mirë gjatë ciklit të menstruacioneve në krahasim me periudhat e tjera, shkruan The Guardian.
Sipas studimit, gratë që kanë cikle të rregullta kanë bërë më pak gabime, dhe performanca e tyre ka qenë më e lartë. Në testet e realizuara mbi vëmendjen, kohën e reagimit dhe saktësinë gjatë menstruacioneve, është zbuluar se gabimet e bëra janë reduktuar me rreth 25% në krahasim me periudhat para menstruacioneve.
Megan Lowery, një nga autorët e studimit, ka theksuar se ka prova anekdotike që sugjerojnë se gratë mund të ndjehen të ngathëta para ovulacionit, një gjetje që përputhet me rezultatet e studimit të tyre.
Në këtë studim, janë mbledhur të dhëna nga 241 pjesëmarrës, duke treguar se gatishmëria mendore e grave mund të rritet gjatë menstruacioneve. Ky studim ofron një perspektivë të re mbi ndikimin e ciklit menstrual në performancën dhe funksionin kognitiv të grave, duke sugjeruar se periudha e menstruacioneve mund të jetë një kohë e favorshme për disa aktivitete dhe detyra që kërkojnë përqendrim të lartë.