I dënuari për përdhunim, Steven van de Velde do të debutojë në Lojërat Olimpike të dielën në mëngjes mes shumë polemikash.
Vendimi i Komitetit Olimpik Hollandez (NOC) për të përfshirë 29-vjeçarin në skuadrën e volejbollit të plazhit ka shkaktuar kritika.
Ai do të konkurrojë me partnerin e tij të lojës Matthew Immers dhe ndeshja e tyre e parë është planifikuar të zhvillohet në orën 09:00 më 28 korrik kundër Alex Ranghieri dhe Adrian Carambula të Italisë në stadiumin Eiffel Tower.
Kate Seary, bashkëthemeluese dhe drejtoreshë e Kyniska Advocacy, që punon për mbrojtjen dhe respektimin e grave në sport, tha: “Pjesëmarrja e tij dërgon një mesazh për të gjithë se aftësitë sportive janë më të rëndësishme se krimi.”
Megjithatë, kreu i misionit hollandez Pieter van den Hoogenband tha: “Ai nuk do ta minimizojë [dënimin e tij]. Ne duhet ta respektojmë atë dhe ta ndihmojmë atë si anëtar të ekipit për të qenë në gjendje të performojë.”
Van de Velde u dënua me katër vjet burg në vitin 2016 pasi pranoi tre akuza për përdhunim ndaj një vajze britanike 12-vjeçare, të cilat ndodhën në gusht të vitit 2014.
Hollandezi, i cili e takoi viktimën e tij në Facebook, udhëtoi nga Amsterdami në MB dhe përdhunoi vajzën në një adresë në Milton Keynes.
Ai rifilloi karrierën e tij në volejboll pasi shërbeu vetëm 12 muaj të dënimit katër-vjeçar dhe u përzgjodh në qershor për ekipin olimpik hollandez për Parisin.
Në intervistat me mediat holandeze më parë, Van de Velde tha: “Nuk mund ta kthej mbrapsht, kështu që do të duhet të përballoj pasojat. Ka qenë gabimi më i madh i jetës sime.”