Në ditën kur Agjencia Kosovare e Privatizimit shpalli tenderin për dhënien me qira të 5 pompave në veri të Kosovës, në një pompë në pjesën veriore të Mitrovicës tashmë u vendos emri i kompanisë ‘Exfis’ që merret me derivatet e naftës.
Në konkursin e hapur nga Agjencia e Privatizimit thuhet se ofertat për pompat e karburanteve në veri të Kosovës do të hapen më 9 gusht, nga ora 10 deri në ora 12:00.
Mirëpo, jo shumë kohë pas njoftimit të Agjencisë, një tabelë me mbishkrimin e kompanisë “Exfis” tashmë ishte vendosur gjerësisht në pompën e benzinës NIS në pjesën veriore të Mitrovicës, raporton kossev.
“Është një kompani nga Prishtina, e cila është e regjistruar si kompani me përgjegjësi të kufizuar dhe ka një zinxhir të pompave të benzinës në mbarë Kosovën. Edhe dërrasa u fsheh me fletë të bardhë jo shumë kohë më vonë”.
