Ministria e Punëve të Brendshme, nesër do ta organizojë ditën memoriale të policëve të rënë në krye të detyrës.
Po ashtu, nesër do të shënohet edhe 13 vjetori i rënies së heroit Enver Zymeri, i cili u vra më 26 korrik të vitit 2011 në veri të vendit.
MPB-ja ka bërë të ditur agjendën për aktivitetet e nesërme, ku njëra ndër to është edhe gara profesionale kërcimi nga ura mbi Liqenin e Ujmanit në nderim të policëve të rënë në krye të detyrës, që pritet të nisë nga ora 14:00.
Më tej, bëhet e ditur se nga ora 13:00 do të bëhen edhe homazhe pranë pllakës përkujtimore në vendin e rënies së heroit Enver Zymeri në Zupç të Zubin Potokut.