Drejtori i kompanisë, Baykar, Selcuk Bayraktar publikoi një video të re të testimit të aeroplanit, Kizilelma (Molla e Kuqe), i cili së shpejti duhet të jetë në përdorim.
Edhe pse droni Kizilelma bëri fluturimin e parë në vitin 2022, që atëherë janë kryer një sërë testesh shtesë dhe ishte koha për të testuar funksionimin e motorit, pra fillimin e tij.
“Prototipi i tretë i mjetit fluturues pa pilot Kizilelma pësoi ndryshime strukturore dhe duket se me prototipin e ri u prezantua një motor i ri”, thuhet në njoftim.
Kompania tha se Kizilelma që manovron në mënyrë autonome do të jetë në gjendje të operojë së bashku me aeroplanët e drejtuar dhe mund të mbajë raketa ajër-ajër.
Aeroplani luftarak pa pilot është projektuar për të kryer një sërë veprimesh ushtarake, të tilla si sulme strategjike, mbështetje të ngushtë ajrore, sulme me raketa, shtypje të mbrojtjes ajrore të armikut dhe shkatërrim të mbrojtjes ajrore të armikut.
Siç u theksua, dronët do të jenë në gjendje të ngrihen dhe të ulen nga aeroplanmbajtëset me pista të shkurtra, duke përfshirë edhe anijen turke të sulmit Anadolu.