Problemet e lëndimeve të Takehiro Tomiyasu vazhdojnë të rëndojnë karrierën e tij në Arsenal, me mbrojtësin që do të humbasë turneun parasezonal të klubit për shkak të një problemi në gju.
Reprezentuesi japonez pritet të jetë jashtë fushës për disa javë.
Pavarësisht nënshkrimit të një kontrate të re sezonin e kaluar, vendimi i klubit për të ofruar vetëm një zgjatje njëvjeçare mund të lë të kuptohet për mungesën e angazhimit afatgjatë ndaj lojtarit.
Lojtari ka humbur gjithsej 40 ndeshje për klubin dhe kombëtaren, sipas Transfermarkt.
Sezonin e kaluar ai ka munguar për 13 ndeshje, ndërsa në sezonin paraprak ka munguar 16 ndeshje.
Tomiyasu ka qenë i disponueshëm vetëm për rreth dy të tretat e ndeshjeve të mundshme që mund të kishte luajtur për Arsenalin, një statistikë që bie jashtë pritshmërive.
Ndërsa klubi përgatitet për sezonin e ri, çështjet e lëndimeve të Tomiyasu mbeten një shqetësim, me disa tifozë që kërkojnë që vendi i tij në ekip të rishqyrtohet.