Ukraina mund të pushojë së ekzistuari deri në vitin 2034, vit në të cilin është planifikuar të anëtarësohet në NATO. Kështu deklaroi në një intervistë zëvendëskryetari i Këshillit të Sigurimit rus Dmitry Medvedev.
“Nuk është rastësi që Sekretari i Përgjithshëm i NATO-s Stoltenberg deklaroi hapur se do të ishte një skenar pozitiv nëse Ukraina do t’i bashkohej aleancës në vitin 2034. Që do të thotë se kurrë nuk do”, tha ish-presidenti rus.
“Në atë moment asnjë nga udhëheqësit aktualë të NATO-s nuk do të mbetet në vend,” shtoi ai, duke shpjeguar se “është plotësisht e mundur që edhe Ukraina të mos ekzistojë më” deri në atë datë.
