Ministri i Punëve të Jashtme dhe Tregtisë së Jashtme, Timço Mucunski, ka zhvilluar sot biseda të veçanta telefonike me ministrin e Punëve të Jashtme dhe Evropiane të Austrisë, Alexander Schallenberg, Ministren e Punëve të Jashtme të Rumanisë, Luminita Odobescu, Ministren e Punëve të Jashtme dhe Evropiane të Sllovenia, Tanja Fajon, Ministri i Punëve të Jashtme dhe Evropiane të Kroacisë, Gordan Grlic Radman.
Komunikimi i Mucunskit me kolegët e tij, theksojnë nga MPJ, realizohet në kuadër të aksionit për dhënien e ndihmës për shuarjen e zjarreve, i cili realizohet në koordinim me kryeministrin, Hristijan Mickoski.
“Ne vlerësojmë shumë gatishmërinë e miqve tanë nga Austria, Greqia, Rumania, Sllovenia dhe Kroacia për mbështetje në ballafaqim me zjarret aktive në pyje. Një hap i tillë është shprehje solidariteti, i cili është i domosdoshëm për tejkalimin e këtij lloj sfidash. Me këtë rast shpreh mirënjohjen time për ndihmën e dhënë, e cila është shprehje shtesë e miqësisë sonë shumëvjeçare”, tha Mucunski.