Fotografia e këtij tapeti është shpërndarë në rrjetet sociale dhe ka ndezur një debat në mesin e përdoruesve, shkruan The Mirror.
Ndonëse disa besojnë ky tapet me një iluzion optik do të shkaktojë konfuzion te mysafirët disa të tjerë thonë se është gjenial dhe se do t’i ngadalësonte ata dhe fëmijët e tyre nëpër hotel.
Tapeti i zi dhe vjollcë të jep përshtypjen se dyshemeja është e deformuar, por në realitet është krejtësisht e sheshtë.
Supozohet se hoteli e ka instaluar atë për të ndaluar njerëzit të vrapojnë nëpër korridor, pasi kjo mund të shkaktojë përplasje mes njerëzve dhe të shqetësojë mysafirët e tjerë.
“Më duket se është super i lezetshëm, por gjithashtu do të rrëzohesha menjëherë”, komentoi një përdorues.
Një tjetër komentoi: “Imagjinoni të ecni i dehur në korridor”.