Përgjatë së dielës janë raportuar për të shtëna me armë në Albstadt-Lautlingen të Gjermanisë.
Siç raporton mediumi gjerman SWR, nga këto të shtëna kanë mbetur të vdekur katër persona, përcjell Gazeta Insajderi.
Çdoherë sipas këtij raportimi, i dyshuari besohet të jetë gjahtar. Nga të shtënat me armë, kanë humbur jetën dy fëmijë dhe dy të rritur nga familja e tij.
Që të gjithë kanë vdekur nga plagët e marra prej armës së zjarrit.
SWR raporton se ngjarja ndodhi pak para orës 12:30, me konfirmim të policisë.
Policia thotë se në bazë të informacioneve të parë, kjo ndodhi si shkak i një përleshjeje në familje.