Disa deklarime që bien ndesh me njëra tjetrën, janë dhënë nga sekretari i parë në Zyrën Ndërlidhëse të Kosovës në Serbi, Fatmir Haxholli dhe Ministria e Punëve të Jashtme dhe Diasporës.
Kjo ka të bëjë me vërejtjen që i është shqiptuar Haxhollit, nga kjo ministri.
Në përgjigjet për IndeksOnline, MPJD ka sqaruar gjithçka, duke thënë se është e ndaluar që ai të jap deklarata të cilat nuk janë të koordinuara me ministrinë.
‘’Përkundër paralajmërimeve, takimeve dhe vetë zotimit nga ana e tij, Haxholli ka vazhduar të shprehë deklarata dhe qëndrime publike, të cilat as nuk kanë qenë të koordinuara me Ministrinë e Punëve të Jashtme dhe Diasporës së Republikës së Kosovës dhe as nuk kishin aprovim paraprak”- thuhet në përgjigjen e MPJD-së, për IndeksOnline.