Pothuajse gjysma e banorëve të Zvicrës kanë mendim negativ për mbajtjen e Eurovisionit në vendin e tyre, sipas rezultateve të një sondazhi të publikuar të shtunën nga gazeta Blick.
Një sondazh përfaqësues me pothuajse 25 mijë njerëz zbuloi se 49 për qind ishin qartësisht ose disi kundër mbajtjes së konkursit muzikor, ndërsa 46 për qind ishin qartësisht ose disi pro.
Pesë për qind nuk kanë ende asnjë mendim.
Por ju pëlqen apo jo, Zvicra do të presë këtë festival muzikor në vitin 2025 falë këngëtarit Nemo, i cili fitoi në konkursin e sivjetmë në Malmo, Suedi, me këngën e tij optimiste “The Code”.
Me Nemo që fitoi për Zvicrën, vendi alpin do të jetë nikoqir i ardhshëm i konkursit, i cili do të shfaqë interpretues nga i gjithë kontinenti dhe më gjerë.
Vendndodhja ende nuk është përcaktuar.
Sondazhi i Blick zbuloi se mbështetja është më e fortë midis njerëzve me një nivel më të lartë arsimor dhe pikëpamjeve politike të majta sesa midis grupeve të tjera të popullsisë.
74 për qind e mbështetësve të partisë së djathtë SVP janë kundër mbajtjes së Eurovision Song Contest në Zvicër.
Sipas Blick, mund të ketë të bëjë edhe me faktin që Nemo identifikohet si një person jobinar dhe preferon përemrat ata/ato.
Fitorja e Nemo në një nga skenat më të mëdha të Evropës ndezi një debat nëse një gjini e tretë duhet të regjistrohet në Zvicër.