Në fillim të kësaj jave, 73-vjeçarja mbretërore dhe motra e Mbretit Charles u shtrua në spital pasi u raportua se u godit nga një kalë dhe madje u tha se kishte pësuar një humbje të kujtesës.
Të premten në mëngjes bashkëshorti i Princeshës Anne ka konfirmuar se ajo ka dalë nga spitali Southmead në Bristol, Angli dhe është kthyer në pronën e tyre në Gatcombe Park.
“Unë do të doja të shpreh falënderimet e mia më të përzemërta për të gjithë ekipin në Spitalin Southmead për kujdesin, ekspertizën dhe mirësinë e tyre gjatë qëndrimit të shkurtër të gruas sime” ndau zëvendësadmirali Sir Tim Laurence në një deklaratë përmes Sky News.
Princesha Anne nuk do të kthehet në detyrat publike derisa mjekët e saj të thonë se është e sigurt për ta bërë këtë. Në fillim të këtij muaji, Princesha iu bashkua familjes mbretërore në ceremoninë e Trooping the Color, e cila u mbajt në festimin e ditëlindjes së vëllait të saj.
/Ora News/