Ata kanë “shkëmbyer akuza” për muaj të tërë, por Joe Biden dhe Donald Trump së fundmi e kanë pasur shansin për t’u përballur me njëri-tjetrin.
Kandidatët e supozuar të partisë Demokratike dhe Republikane dolën në skenën e debatit në Atlanta, Georgia, më pak se pesë muaj përpara votimit më 5 nëntor.
Bëhet e ditur se debati është përcjellur nga miliona njerëz.
Në të janë diskutuar çështje të ndryshme nga lufta në Ukrainë, Rripin e Gazës, largimi i trupave amerikane nga Afganistani e deri të aborti e COVID-19.
Por, ndër tjera përballja mes dy kandidatëve ka ngjallur edhe reagime të shumta nga shtete dhe personalitete të njohura.
Një prej tyre ka qenë edhe reagimi i ish-presidentit Barack Obama në rrjete sociale.
Ai e ka cilësuar debatin si “një natë e keqe”.
Sipas Obamës, aty janë përballur dy persona të kundërt.
“Debati ishte mes dikujt që e thotë të vërtetën, i cili e dallon të vërtetën nga e gabuara, dhe dikujt që gënjen për përfitime”, tha Obama.
