Dimal Basha ka vazhduar sulmet në drejtim të Asociacionit të Gazetarëve të Kosovës, të cilët e quajtën “sulm të papranueshëm ndaj lirisë së medieve dhe pluralizimit medial në Kosovë”, deklaratën e deputetit të VV-së mëngjesin e sotëm, lidhur me projektligjin për KPM-në, shkruan Gazeta Online Reporteri.net.
Në vazhdën e sulmeve që bëri në mëngjes, s’kanë munguar edhe ato në drejtim të juristes së medias, Flutura Kusarit e të cilat kanë vazhduar edhe pasditen e sotme.
Tani, deputeti i VV-së pretendon e s’ka thënë diçka të pavërtetë dhe se argumentet e tij qëndrojnë.
“Rrëzik ka qenë kur pushtetet e kaluara kanë nda mjete për medie duke i falimentu Ndërrmarrjet Publike, dhe rrëzik sot është shpifja dhe manipulimi që e bëjnë plotë media në emër të lirisë së mediave, përfshi znj. Kusari”, shkruan mes tjerash Basha i VV-së.
“AGK prapë i paska kualifiku qëndrimet e mia si “të papranueshme dhe të rrezikshme…”
Mirë boll, veç tregoni ku kam thënë diçka të pavërtetë? Ja deklaratat e mia më poshtë:
“Kjo qeveri është e vetmja qeveri që ua ka ndalë komplet tagjinë dh asnjë cent nuk iu shkon më mediave. Kështu që, me dashtë me i kap kish vazhdu avazin e vjetër. Por, ndryshimi tregon se ne nuk jemi të asaj rruge dhe nuk kemi synim me kap”, ka thënë Basha.
“Ka rëndësi edhe kanihere kush fol. Për shembull e kemi Flutura Kusarin që del dhe do me ta diktu komplet Kuvendin e Kosovës qysh me bo ti një ligj për KPM-në, kur e njëjta në emër të lirisë së mediave del dhe i mbron Devollët në rrugë. Në emër të lirisë së mediave nuk mund me e mbrojt lirinë e oligarkëve , por as me e zhvat këtë Republikë”, ka thënë Basha.
Çka ka t’pavërtetë këtu? Të dy argumentet lartë qëndrojnë, prandaj derisa nuk keni argument ndryshe, veç rrini duke u mospajtu, por rrëzik nuk ka!
Rrëzik ka qenë kur pushtetet e kaluara kanë nda mjete për medie duke i falimentu Ndërrmarrjet Publike, dhe rrëzik sot është shpifja dhe manipulimi që e bëjnë plotë media në emër të lirisë së mediave, përfshi znj. Kusari”, thuhet në reagimin e tij.
“Kjo qeveri është e vetmja qeveri që ua ka ndalë komplet tagjinë dhe asnjë cent nuk iu shkon më mediave. Kështu që, me dashtë me i kap kish vazhdu avazin e vjetër. Por, ndryshimi tregon se ne nuk jemi të asaj rruge dhe nuk kemi synim me kap”, kishte thënë sot deputeti i VV-së.
Deklaratë kjo e cila u dënuar ashpër nga Asociacioni i Gazetarëve të Kosovës.
Basha kishte përmendur këtu edhe jursiten Flutura Kusari.
“Ka rëndësi edhe kanihere kush fol. Për shembull e kemi Flutura Kusarin që del dhe do me ta diktu komplet Kuvendin e Kosovës qysh me bo ti një ligj për KPM-në, kur e njëjta në emër të lirisë së mediave del dhe i mbron Devollët në rrugë. Në emër të lirisë së mediave nuk mund me e mbrojt lirinë e oligarkëve , por as me e zhvat këtë Republikë”, kishte thënë deputeti i VV-së.
Sipas AGK-së, sulmi ndaj zonjës Kusari është sulm i papranueshëm, i rrezikshëm dhe me bazë gjinore.