Pas publikimit të skicave, është pritur plot gjashtë vjet për të parë coupe-n e bukur nga Cadillac.
Gjashtë vjet më parë, Cadillac tregoi skica të dizajnit të një studimi coupe që shumëkush shpresonte se do të prodhohej, transmeton Telegrafi.
Vetëm tani, pasi shfaqja e prototipit u zbulua në rrjetet sociale, mund tëshihen linjat e koncepteve të mëparshme në të, po aq interesante të Escala, si dhe Buick Avista akoma më të vjetër.
Vetura u prezantua si pjesë e serisë From the Vault, në të cilën General Motors zbulon disa sekrete nga arkivat e saj të pasura.
Nuk dihet shumë për këtë koncept, përveç se ndikoi në pamjen e modeleve të ardhshme.
“Coupe lindi si një eksplorim i brendshëm i estetikës së Cadillac. Ajo i dha formë portofolit të produkteve në rrugë sot, duke përfshirë CT5 dhe CT5 V-Blackëing ”, thuhet në njoftim.
Fatkeqësisht, ky studim nuk i lejoi që të fillojë prodhimi serik, kurse Cadillac braktisi plotësisht idenë e një coupe në gamën e saj. /Telegrafi/
