Tetë muaj pasi Matthew Perry vdiq nga “efektet akute të ketaminës”, mediat amerikane raportojnë se “më shumë njerëz” duhet të akuzohen për vdekjen e tij të parakohshme.
Hetimi për vdekjen e Perry-t është “afër përfundimit”, tha një burim për revistën People. Ai gjithashtu zbuloi se zyra e Prokurorit të SHBA do të vendosë nëse do të ngrejë akuza.
Aktori i “Friends” vdiq më 28 tetor pasi u mbyt në një vaskë të nxehtë në shtëpinë e tij në Los Angeles. Ai ishte 54 vjeç. Zyrtarët e Departamentit të Policisë së Los Anxhelosit konfirmuan për Fox News Digital se departamenti është ende duke punuar në mënyrë aktive në hetim.
“Departamenti ka një hetim të hapur dhe të vazhdueshëm për vdekjen e Matthew Perry”, thanë autoritetet.
Së fundmi u raportua se policia kishte sekuestruar celularin dhe laptopin e një personi të famshëm që ishte i lidhur me vdekjen e Matthew Perry.
Sipas informacioneve të tyre, bëhet fjalë për një person femër, e cila gjithashtu është ndaluar për intervista, pasi policia e Los Angeles (LAPD) së bashku me Administratën kundër Drogës (DEA) kanë nisur hetimet për shkaqet e vdekjes së Perry.
Muajin e kaluar, Departamenti i Policisë së Los Anxhelosit konfirmoi se departamenti i policisë po punon me DEA dhe Shërbimin e Inspektimit Postar të SHBA-së për të përcaktuar pse Perry kishte kaq shumë ketaminë në sistemin e tij kur vdiq në tetor, raporton Associated Press.
Sipas autopsisë së Perry, sasi të vogla të ketaminës u gjetën në përmbajtjen e stomakut. Mënyra e saktë e hyrjes në rastin e Perry është e panjohur, sipas raportit.
Kushtet e tjera që kontribuan në vdekjen e tij përfshinin “sëmundjen e arterieve koronare, efektet e buprenorfinës”, thuhet në raport.