Shtetet e Bashkuara po punojnë urgjentisht drejt një marrëveshjeje diplomatike që do të lejonte civilët izraelitë dhe libanezë të kthehen në shtëpitë e tyre në të dy anët e kufirit, ka thënë sekretari amerikan i Mbrojtjes Lloyd Austin, duke shtuar se një luftë midis Hezbollahut dhe Izraelit do të ishte shkatërruese.
“Provokimet e Hezbollahut kërcënojnë të tërheqin popullin izraelit dhe libanez në një luftë që ata nuk e duan. Një luftë e tillë do të ishte një katastrofë për Libanin dhe do të ishte shkatërruese për civilët e pafajshëm izraelitë dhe libanezë”, tha Austin në fillim të takimit të tij me ministrin izraelit të Mbrojtjes Yoav Gallant në Pentagon.
“Diplomacia është mënyra më e mirë për të parandaluar më shumë përshkallëzimin. Pra, ne po kërkojmë urgjentisht një marrëveshje diplomatike që rivendos qetësinë e qëndrueshme në kufirin verior të Izraelit dhe u mundëson civilëve të kthehen të sigurt në shtëpitë e tyre në të dy anët e kufirit Izrael-Liban”, shtoi ai.
