Fëmijët e nënave të rrepta, perfeksioniste mund të kenë probleme me alkoolin në jetën e mëvonshme, sugjeron një studim.
Studiuesit zbuluan se studentët që ishin rritur me nëna autoritare – por jo baballarë – kishin më shumë të ngjarë të ishin perfeksionistë.
Kjo kontribuoi në nivele më të larta të depresionit, dhe nga ana tjetër, motive më të forta të vetë-mjekimit, si dhe probleme me konsumimin e alkoolit.
Prindërit autoritarë përshkruhen si zbatues të rregullave të rrepta të nxitura nga shmangia dhe ndëshkimi si dhe mungesa e ngrohtësisë.
Studimi është realizuar nga Universiteti Shtetëror i Arizonës me 419 studentë që ishin 20 vjeç, mesatarisht.
Autorja dhe profesorja Julie Patock-Peckham, tha se disa studentë të saj ishin të obsesionuar për mënyrën sesi i shikonin të tjerët deri në masën ku frikoheshin nga reagimet në lidhje me shkrimet e tyre.
“Këta studentë dukej se po përdorin alkool për të përballuar hallet e jetës së tyre në një shkallë më të madhe sesa studentët që ishin më rehat me dhe nuk brengoseshin për të qenë perfektë tërë kohën”.
