Pavarësisht se sa orë kaloni duke pastruar shtëpinë tuaj, ndonjëherë harroni të pastroni disa vende ose sende.
Ndaj, nuk do të ishte keq të dinim se cilat janë gjërat që të ftuarit vënë re kur vijnë në shtëpinë tua
Signature Maids ndanë gjashtë gjëra befasuese që duhet të bëni përpara se dikush t’ju bjerë ziles së derës.
Era e shtëpisë
Aroma e shtëpisë është zakonisht gjëja e parë që vini re mysafirët kur hyjnë në shtëpinë tuaj. Përshtypja e parë për mysafirët tuaj mund të jetë e këndshme ose e pakëndshme. Nëse keni kafshë shtëpiake, mbajtja e shtëpisë tuaj të freskët dhe të pastër është një detyrë më e vështirë, por gjithsesi jo e pamundur.
Flokët e kafshëve shtëpiake
Nëse keni kafshë shtëpiake me gëzof, të ftuarit mund të vërejnë nëse mobiljet tuaja janë të mbuluara me qime. Mund të mos keni problem të uleni në mobilje të mbuluara me gëzofin e kafshës suaj, por ka shumë mundësi që miqtë tuaj të mos ndihen aq të qetë për këtë.
Kur nuk keni nevoja elementare
Mysafirët mund të kërkojnë ujë të ftohtë ose të përdorin banjën tuaj, gjatë së cilës kohë ata do të vërejnë nëse nevojat themelore janë të disponueshme apo jo. Askush nuk duhet t’ju gjykojë nga era ose marka e sapunit që përdorni në banjë, por është e rëndësishme të keni sapun, si dhe një peshqir të pastër duarsh dhe letër higjienike.
Pastërtia e banjës tuaj
Ndërsa mysafirët janë në banjën tuaj duke përdorur letër higjienike dhe sapun, ata do të vërejnë nëse ka ndonjë njollë të keqe ose nëse pjesa e pasme e komodisë është e mbuluar me pluhur dhe flokë të zinj. Gjëra të këqija si kjo mund të ndodhin në banjat që kanë kaluar vetëm një javë ose dy pa pastrim të thellë.
Rrëmujën në një shtëpi
Truri ynë e njeh rrëmujën menjëherë, që do të thotë se të ftuarit tuaj vërejnë nëse shtëpia juaj është e rrëmujshme, edhe nëse është një rrëmujë e vogël. Zakonisht, kjo rrëmujë krijon përshtypjen se shtëpia është plot pluhur dhe papastërti.
Hyrja e pastër
Hyrja është vendi ku të ftuarit tuaj hyjnë dhe dalin, është gjëja e parë dhe e fundit që ata shohin dhe lë një përshtypje të madhe. Nëse hyrja juaj është e rrëmujshme, e pluhurosur, me erë të keqe ose e çrregullt, ajo nuk u përshtatet mirë mysafirëve, edhe nëse pjesa tjetër e shtëpisë tuaj është më e pastër ose më pak e rrëmujshme, do të lini një përshtypje të keqe.
