Një tërmet me magnitudë 4.8 goditi në jugperëndim të Koresë së Jugut më 12 qershor.
Sipas mediave të huaja, tërmeti goditi katër kilometra në jug të qarkut Buan, i cili është rreth 205 km në jug të Seulit, në orën 08:26 me orën lokale, sipas Administratës Meteorologjike të Koresë.
Qytetarëve në mbarë vendin u dërgua një mesazh alarmi, i cili këshillonte banorët e zonave të prekura të jenë të kujdesshëm ndaj rënies së mundshme të objekteve dhe pasgoditjeve.
Kryeministri Han Duck-soo udhëzoi qeverinë të zbatojë masa “të plota” në përgjigje të tërmetit, me raportet lokale që thonë se zhurma dhe lëkundjet u përjetuan gjithashtu në qytetet Sejong, Daejeon dhe Cheonan.
