Një person është plagosur me armë zjarri në fshatin Gjonaj të Prizrenit, raporton TV Arbëria.
Në incident ka mbetur i plagosur me mjete të forta dhe personi i dytë, ku pas rastit të dy personat e lënduar janë dërguar në Spitalin Rajonal të Prizrenit.
Rastin për TV Arbëria e ka konfirmuar zëdhënësi i Policisë në Prizren, Vesel Gashi.
“Sot me datë: 22.05.24 rreth orës 19:40, polica ka pranua informatë për një plagosje me armë zjarri në fshatin Gjonaj të Prizrenit”, tha Gashi.
“Personat e dyshuar janë të njohur për policinë e Kosovës dhe njesitet policore janë në kërkim të tyre”, njofton tutje Gashi.
Lidhur me rastin është njoftuar dhe prokurori i shtetit. /TV Arbëria