Një 76-vjeçar iu shmang vdekjes pasi u pickua nga një mi në tualetin e tij.
Burri i paidentifikuar nga Kanadaja, shkoi me urgjencë në spital pasi miu ia kafshoi gishtat e tij, ndërsa ai u përpoq ta largonte atë nga tualeti.
Pasi u lëshua, 18 ditë më vonë, burri u kthye në spital pasi përjetoi ethe të forta, dhimbje koke dhe dhimbje barku.
Megjithëse plagët e tij në gisht ishin shëruar kryesisht, presioni i gjakut i burrit ishte i ulët dhe zemra i rrihte jashtëzakonisht shpejt. Analizat fillestare të gjakut treguan se veshkat e pacientit ishin të dëmtuara dhe se gjaku i tij kishte një numër të ulët trombocitesh – fragmente qelizash që formojnë mpiksje për të parandaluar ose ndaluar gjakderdhjen.
Burri u shtrua në njësinë e kujdesit intensiv, ku u zbulua se vuante nga mosfunksionimi i shumë organeve dhe sepsis – një fenomen i rrezikshëm në të cilin një infeksion e shtyn sistemin imunitar. Pas marrjes së mostrave të gjakut dhe urinës, përfundimisht u zbulua se ai kishte kontraktuar një sëmundje infektive të quajtur leptospirozë, që besohet se ishte transmetuar nga kafshimi i miut. Burrit iu dhanë antibiotikë, si dhe trajtime të tjera për të trajtuar dëmtimin e veshkave dhe nivelet e ulëta të trombociteve. Pas disa ditësh, simptomat e tij u përmirësuan dhe ai u lirua nga spitali.
/TV Arbëria