Këngëtarja e njohur shqiptare, Çiljeta Xhilaga, ka bërë një rrëfim prekës së fundmi në Ferma VIP Albania.
Artistja ka zbuluar se ka humbur një fëmijë në javën e shtatë të shtatzënisë.
“Isha shtatzënë para katër vjetëve, kur fillova të bashkëjetoja me Albanin. E humba fëmijën në javën e shtatë. Do të ishte katër vjeç tani. U mërzita shumë kur ndodhi”, tha ajo.
Megjithatë, ajo tregoi se do të tentojë sërish që të sjellë në jetë një fëmijë, si fryt i dashurisë së saj me Albanin.
Bukuroshja po shijon prej disa vitesh lidhjen me portierin e Partizanit, Alban Hoxha.
Pavarësisht kësaj, çifti akoma nuk ka bashkë një fëmijë.
Çiljeta nga ana tjetër është nënë e një fëmije me partnerin e saj të mëparshëm.
