Prokuroria Themelore në Prishtinë ka ngritur aktakuzë ndaj dy të dyshuarve për vrasjen e Lulzim Fejzullahut, 18-vjeçarit nga Podujeva.
Dy të dyshuarve iu është ngarkuar vepra penale “Vrasje e Rëndë” . Kështu ka thënë avokati i familjes Fejzullahu, Tomë Gashi.
“Po iu është ngritur aktakuzë për veprën penale “Vrasje e Rëndë”, ka thënë ai.
Deri më tani, dy të akuzuarit kanë qëndruar në paraburgim deri në një vendim tjetër të Gjykatës.
Prokuroria, rastin fillimisht e kishte iniciuar si “Vrasje në tentativë”, e më pas është ricilësuar në “Vrasje”.
Më 13 shkurt, një muaj pas vrasjes, dy të miturit të cilët dyshohen për vrasjen e 18-vjecarit Lulzim Fejzullahu, kishin shfrytëzuar të drejtën për t’u mbrojtur në heshtje para prokurorit të rastit.
Më 20 janar, Prokuroria ka konfirmuar masën e paraburgimit për të dyshuarit, e cila është aprovuar dhe të dyshuarit aktualisht ndodhen nën masën e paraburgimit.
/TV Arbëria
