Reportere: Besmire Kluna
Arbëria TV, ka marrë ankesa nga qytetarë të shumtë për vonesë për paisje me pasaportë biometrike të Republikës se Kosovës.
Kështu, lidhur me këtë çështje, Arbëria TV është interesuar duke dërguar pyetje në Ministri të Punëve Brendshme.
Zyra për Komunikim Publik e Ministrisë së Punëve të Brendshmë, përmes përgjigjeve me shkrim për TV Arbëria, kanë njoftuar se procesi me pajisje të pasaportës për qytetarët e Republikës se Kosovës, po bëhet për arsye se pas liberalizimit të vizave është rritur dukshëm numri i kërkesave për paisje me pasaportë.
Sipas tyre, kjo gjë edhe po ju shkakon telashe gjatë procesit për paisje me dokumente personale.
‘’ Pas liberalizimit të vizave është rritur dukshëm numri i kërkesave për pajisje me pasaportë, gjë që po shkakton zgjatjen e procesit për pajisje me dokumente personale’’, thonë nga zyra për komunikim publik.
Ndërsa, ata kanë theksuar se njëkohësisht lidhur me vonesën e procesit ka ndikuar edhe zhvendosja e institucionit në objektin e ri.
‘’Përveç kësaj, ndikim kishte edhe zhvendosja e institucionit në objektin e ri’’, kanë thënë ata.
Poashtu, nga Zyra për Komunikim Publik e Ministrisë së Punëve të Brendshme, kanë bërë të ditur se Agjencia e Regjistrimit Civil, është e përkushtuar për normalizimin e situatës rreth paisjes së qytetarëve me pasaporta sa me shpejt që është e mundur.
Megjithatë, ata për të përshpejtuar procedurat e aplikimit dhe paisjen e qytetarëve me pasaportë, po punojnë nga ora 08:00 deri në orën 16:00, në prodhimin e dokumenteve.
‘’Agjencia e Regjistrimit Civil është e përkushtuar për normalizimin e situatës rreth pajisjes së qytetarëve me pasaporta sa më shpejt që është e mundur. Për të arritur këtë kemi ndërmarrë veprimin që të punohet edhe të shtunave nga ora 08:00 deri në orën 16:00 (punohet në prodhimin/personalizimin e dokumenteve)’’, kanë përfunduar ata.
/TV Arbëria