Policia suedeze të mërkurën largoi sërish me forcë Greta Thunberg dhe aktivistë të tjerë të klimës që po bllokonin hyrjen e parlamentit, duke i larguar me një furgon policie për herë të dytë këtë javë.
Thunberg dhe dhjetëra aktivistë të tjerë të mjedisit të hënën filluan të bllokojnë hyrjet kryesore të Parlamentit të Suedisë në një protestë kundër efekteve të ndryshimeve klimatike dhe asaj që ata thanë se ishte mosveprim politik.
Policia nuk ndërhyri në fillim, por largoi demonstruesit kur protesta rifilloi mëngjesin e së martës.
Thunberg, 21 vjeç, u bë fytyra e aktivistëve të rinj të klimës teksa protestat e saj javore, duke filluar në vitin 2018, përpara parlamentit suedez u shndërruan shpejt në një lëvizje globale rinore me mitingje të mëdha nëpër kontinente.
Policia e Stokholmit ka thënë se edhe pse aktivistët kishin të drejtë të demonstronin jashtë asamblesë kombëtare, ata u hoqën për shkak të bllokimit të hyrjeve, shkruan Reuters,