Jetëgjatësia e fëmijëve po zvogëlohet me 20 vite për shkak se qeveria nuk po merr masa për parandalimin dhe kurimin e obezitetit.
Kolegji Mbretëror i Pediatrisë dhe Shëndetit të Fëmijëve në Britaninë e Madhe kanë kritikuar shtetin se nuk kanë mbajtur premtimet që të ndalojnë reklamimet e shpeshta të ushqimeve jo të shëndetshme dhe largimin e fast food-eve nga ambientet e shkollave, pasi sipas ekspertëve këto janë dy shkaqet kryesore që sjellin obezitetin tek fëmijët.
Në Britani 1/3 e fëmijëve të grupmoshës 11- vjecare dhe 62% e të rriturve janë mbi peshë.
Mjekët e kolegjit kanë publikuar disa të dhëna se fëmijët mbipeshë po diagnostikohen me diabet të tipit të 2-të, por jo vetëm kaq.
Profesoresha dhe presidentja e Kolegjit Nina Modi ka shprehur se një fëmijë i shëndoshë ka shumë gjasa që këtë peshë të mos e humbasë dhe gjithë jetën e tij do jetë një obez.
Dhe të qenët obezë për një kohë shumë të gjatë do të sjellë shumë sëmundje dhe ulë jetëgjatësinë me 10 deri në 20 vite.
Modi e ka konsideruar këtë betejë të pamundur që të fitohet nga prindërit dhe mjekët, prandaj duhet ndërhyrja e menjëhershme e shtetit.
/TV Arbëria
