Kryeministri i Shqipërisë Edi Rama, ndodhet në një vizitë zyrtare dyditore në Bruksel, ku do të marrë pjesë në mbledhjen e Komitetit Ekonomik dhe Social Europian.
Fokus i diskutimeve të takimit të Kryeministrit Rama me zyrtarët e lartë të BE-së, do të jetë integrimi i rajonit të Ballkanit Perëndimor si dhe plani i rritjes ekonomike.
Takimi vjen disa ditë para organizimit të samitit për Ukrainën në Tiranë, që do të mbahet më datë 28 shkurt, ku për herë të parë vendin tonë do ta vizitojë presidenti ukrainas Volodymyr Zelensky.
/TV Arbëria