Pas prishjes së koalicionit ndërmjet LDK-së dhe PDK-së në Prishtinë dhe anulimit të vendimit për këmbimin e tokave në Badovc, nuk po ndalen reagimet. Deputetja e Partisë Demokratike të Kosovës, Eliza Hoxha, e ka demantuar kryetarin e Prishtinës, Përparim Rama lidhur me sipërfaqen e tokës që ishte vendosur të këmbehet, pasi që ai tha sot nuk janë dhënë 20 hektarë, për 8 hektarë.
Ajo ka shtuar se ideja e këmbimit ka nisur me Ramën.
“Procesi ka nisë me Ramën arkitekt dhe bashkëinvestitor të ndërtimit të villave në Badoc- dhe kur kushtet e ndërtimit nuk janë dhënë për zonën te liqeni në vitin 2020 procesi ka vazhduar me idenë e këmbimit tutje dhe me Ramën kryetar është finalizuar – në përkrahje të heshtur nga LVV”, ka shkruar Hoxha.
Kujtojmë se sot në një mbledhje të jashtëzakonshme të Kuvendit Komunal të Prishtinës, u shfuqizua vendimi për këmbimin e pronave në Badovc.
Përmes një njoftimi në Facebook, kryetari i degës së PDK-së në Prishtinë Uran Ismaili njoftoi që pas shfuqizuan vendimin për këmbimin e pronave në Badoc, ka bërë edhe shkëputjen e koalicionit qeverisës në Prishtinë.
“Për dy vjet shërbim, ekipi i PDK-së solli një dinamikë të re në Kryeqytet dhe ka bërë punë të jashtëzakonshme në secilin dikaster. Nën udhëheqjen e shkëlqyer të Nënkryetares Sahatçiu, drejtoritë e udhëhequra nga PDK janë vlerësuar si drejtoritë me performancën më të mirë, brenda dhe jashtë. Gjallërinë, sinqeritetin, pozitivitetin dhe dinamikën që e kishim në fushatën tonë “Prishtina na Bashkon” e kemi përçuar edhe në qeverisjen e Kryeqytetit dhe qytetarët janë dëshmitarët më të mirë për këtë gjë.” tha Uran Ismaili.
LEXO EDHE:
PDK lë me ‘gishta në gojë’ Përparim Ramën, prish koalicionin me LDK-në në Prishtinë
Ndërsa, kryetari i Prishtinës, Përparim Rama tha se ky vendim ka nisur nga një proces i cili ka filluar nga qeverisja e kaluar dhe një numër vendimesh të nivelit qendror, Ministrisë së Ambientit, Ministrisë së Financave dhe Ministrisë së Pushtetit Lokal.
Rama thotë se Komuna e Prishtinës ka ndjekur të gjitha procedurat ligjore në këtë çështje.
Ai i ka akuzuar Vetëvendosjen e PDK-në për politizim të kësaj çështje.
Rama ka thënë se Ministria e Financave pa asnjë fakt nga Prokuroria apo Policia ka suspenduar vendimin.
Ai kërkoi nga Prokuroria Speciale që për këtë proces të hetohen edhe Ministria e Pushtetit Lokal dhe ajo e Financave.
LEXO EDHE:
Përndryshe përplasjet dhe thyerjet e para të koalicionit në Prishtinë kanë nisur pas shkarkimit të drejtorit të PDK-së, Ilirik Musliut, e që kanë kulmuar me shkarkimin edhe të nënkryetares së po këtij subjekti, Donjeta Sahatqiu.
LEXO EDHE LAJMET E TJERA:
Eliza Hoxha: Është e tmerrshme, Përparim Rama shkarkoi njerëz në Facebook
Pas shkarkimit, rrëfehet Musliu: S’ka të bëjë me performancën time, Rama tha shumë ‘rrena’
Derisa sot, pas shfuqizimit të vendimit për këmbimin e tokave në Badovc, kryetari i PDK-së në Prishtinë Uran Ismaili ka jep lajmin se kanë shkëputur koalicionin qeverisës në Prishtinë.
Andaj pas një serie të shkarkimeve të drejtorëve të PDK-së në kryeqytet dhe disa ngarkimeve të këtyre dikastereve me drejtorë të rinj nga Përparim Rama, e kryesisht nga LDK por edhe ekspertë tjerë sot me 8 shkurt, zyrtarisht u ‘divorcuan’ PDK e LDK në Prishtinë.
Por tash e tutje mbetet të shihet se si do të qeverisë Përparim Rama në kryeqytet, i vetëm, apo do të kërkoj partnerë të rinj?!
/TV Arbëria