Të paktën 51 persona humbën jetën nga zjarret në rajonin Valparaiso të Kilit, thanë autoritetet lokale.
Presidenti i vendit, Gabriel Boriç shpalli gjendje të jashtëzakonshme dhe tha se do të vinte në dispozicion “të gjitha burimet e nevojshme” për të trajtuar situatën, shkruan BBC, transmeton Klankosova.tv.
Besohet se është zjarri më vdekjeprurës i regjistruar në pyje në Kili. Shumë prej të prekurve po vizitonin rajonin bregdetar gjatë pushimeve verore.
Po ashtu një alarm shëndetësor u vendos në Valparaiso nga ministria e shëndetësisë.
Ministria bëri thirrje për pezullimin e operacioneve jo të detyrueshëm, dhe urdhëroi ngritjen e spitaleve të përkohshme në terren.