Policia ka sekuestruar tre armë të gjata të llojit pushkë gjysmë-automatike dhe 30 fishekë në Prizren. Për këtë, tre të dyshuar janë shoqëruar në stacion të policisë.
Këtë e ka bërë të ditur për Insajderin zëdhënësi i Policisë për rajonin e Prizrenit, Shaqir Bytyqi.
“Sot me datë 14.01.2024, rreth orës 14:05 policia ka marr informacion se mbi fshatin Jeshkovë, Prizren pran disa shtëpive malore, dyshohet se janë disa persona të armatosur, si duket kan dal për gjueti.
Patrullat policore janë nisë në atë drejtim dhe në rrugën malore mbi fshat kanë has dhe e kanë ndaluar një automjet, në automjet gjendeshin 3 persona. Gjatë komtrollit të automjetit u gjetën tre armë të gjata, pushkë gjysëm automatike si dhe nje rreth 30 fishek”, thuhet në njoftimin e PK-së.
Armët e gjetura ishin pa leje nga organet kompetente dhe me urdhër të prokurorit janë sekuestruar, ndërsa të dyshuarit janë liruar me procedurë të rregullt. /Insajderi.org/