Vazhdimësia e çmendurisë së mbrojtjes së politikës kriminale të Millosheviçit nga vitet 1990 filloi me DSS-në e Koshtunicës, DS-në e Tadiqit dhe ne po jetojmë kulmin me SNS-në e Vuçiqit. Kështu vlerëson Zoran Vuletiq, kryetar i GDF nga Beogradi në një tekst autorial të publikuar në mediumin boshnjak Vijesti.
Fishekzjarret e sinkronizuara serbo-serbe në ditën e festës antikushtetuese të RS-së të planifikuara për 9 janar politikani serb tha se kanë shqetësuar fqinjtë e Serbisë dhe kanë rizgjuar plagët e vjetra,.
“ Fishekjzjarret e sinkronizuara do të rrisin mosbesimin në rajon dhe sigurisht që do të izolojnë më tej Serbinë dhe do të rrisin mosbesimin e vendeve demokratike perëndimore ndaj nesh”, ka thënë ai.
Sipas Vuletiqit, një amalgamë e politikës ruse dhe ideologjisë çetnike mbretëron në të dyja “Serbitë”, dhe rehabilitimi i kuislingëve është politikë shtetërore.
“Kjo është arsyeja e rënies së radhës. Ajo që ata kanë harruar është se çdo gjë që përmban gjenocid duhet të zhduket. Në tridhjetë vitet e fundit, brezat janë rritur këtu mbi urrejtjen. Dhe në nivel shtetëror, një politikë e pikëpamjeve të vogla dhe mendjengushtë ka marrë formë, kështu që rezultatet e saj janë rregullisht shkatërruese. Kjo sepse pas çdo ideje kombëtare fshihen interesat e shtresave të ngushta. Dinakëria dhe agresiviteti i falsifikuesve të demokracisë dhe i manipuluesve të pushtetit po na kthen vazhdimisht në një gjendje parapolitike, në të cilën shoqëria nuk kërkon shpëtim nga kontrolli efektiv i qeverisë dhe nga maturia politike e qytetarëve, por nga vullneti i mirë dhe vendimi i mençur i Kreut të Shtetit”.
“Pra, “festimet spektakolare” të një ditëlindjeje antikushtetuese nuk janë një “simbol i lirisë”, por një pararojë e dënimit të afërt. Nuk mund të jetë ndryshe, sepse çfarë tjetër mund të shpresojmë nëse gjatë çdo feste, që nga lindja e një fëmije deri në kremtimin e festave fetare, kemi vërshime të nacionalizmit më helmues që paralajmëron krime dhe gjenocide të reja”, tha ai.
Sipas politikanit serb, rënia në humnerën e shoqërisë serbe filloi në fund të viteve 1980 me procesionet kishtare dhe lëvizjen e kockave nëpër Jugosllavi të organizuara nga Kisha Ortodokse Serbe, le të përfundojnë katër dekada çmendurie dhe të liga në kunj të organizuar nga e njëjta kishë.